Meesterklasse
| Meesterklas 1 | Beskrywing | Tyd |
|---|---|---|
| Die kuns van dokumentêre films | Dokumentêre films en reekse hou kykers wêreldwyd vasgenael. Wim Steyn en Elle Oosthuizen (Devilsdorp, Steinheist), en Richard Finn Gregory (Boere op die Aardsdrempel, Steinheist) bied ’n twee uur lange praktiese meesterklas aan in die skep van ’n suksesvolle dokumentêre narratief. Gefasiliteer deur Lorhren-Rose Joseph | 14:30 |
| Meesterklas 2 | Beskrywing | Tyd |
|---|---|---|
| Regie: Om te speel | Dit is ’n kuns om spelers te begelei om voor die kamera hul vertolking natuurlik en aangrypend te lewer. Nico Scheepers (Donkerbos en Nêrens, Noord-Kaap) bied ’n twee uur lange meesterklas in spelleiding-op-stel aan om regisseurs toe te rus. | 14:30 |
| Meesterklas 3 | Beskrywing | Tyd |
|---|---|---|
| Stories: Bemagtiging van gemeenskappe | Elke mens se lewe is uiteindelik ’n storie, en om stories vas te vang en met ander te deel, is kuns, is inspirasie. Muneera Sallies (Old Righteous Blues, Twisted Christmas) en Nadine Cloete (Teater na die mense, Action Kommandant) bied ’n twee uur lange praktiese meesterklas in gemeenskapsontwikkeling deur film aan. Faliliteer deur Scharl van der Merwe. | 14:30 |
Paneelbesprekings
| Onderwerp | Beskrywing | Paneellede | Tyd |
|---|---|---|---|
| Waarna soek ons? | ’n Gesprek met top-besluitnemers by kanale en platforms dwarsoor MultiChoice om uit te vind wat die huidige behoeftes vir TV en film-vermaak is | Quentin Krog (fasiliteerder) Nicola van Niekerk, Nomsa Philiso, Tebogo Matlawa, Waldimar Pelser, Allan Sperling en Lerato Moruti |
14:00 |
| Onderwerp | Beskrywing | Paneellede | Tyd |
|---|---|---|---|
| Die nuwe era van realiteits-TV: Veranderinge in formaat, inhoud en aanslag | ’n Gesprek oor die evolusie van formate en ’n nuwe aanslag tot realiteitsreekse | Marguerite Albrecht (fasiliteerder) Duan Wanty, Ingrid Engelbrecht, Freddy Louw, Terja Beney en Nadine Moonsamy |
14:30 |
| Onderwerp | Beskrywing | Paneellede | Tyd |
|---|---|---|---|
| Gesinchroniseer: Musiek vir TV en film | ‘n Gesprek oor musiek in Afrikaanse TV en film. Ons bepraat komponering, musiekregte, lisensiëring en al die ander onsigbare elemente wat ons stories harmoniseer. | Wikus du Toit (fasiliteerder) James Bassingthwaighte, Pierre-Henri Wicomb, Kabous Meiring en YOMA |
14:30 |
Werkswinkels
| Onderwerp | Beskrywing | Paneellede | Tyd |
|---|---|---|---|
| Trek aandag met jou inhoudsvoorlegging | ‘n Werkswinkel oor hoe om kreatiewe, informatiewe, holistiese en klinkklare voorleggings te bou wat ‘n indruk op besluitnemers laat | Wikus du Toit | 15:00 |
| Onderwerp | Beskrywing | Paneellede | Tyd |
|---|---|---|---|
| Virtuele storiewêrelde | ‘n Werkswinkel oor die gebruik van die jongste tegnologie in virtuele produksie in jou film of TV-program. Ons bespreek die voordele, koste-implikasies en toeganklikheid hiervan in ‘n Suid-Afrikaanse konteks. | Quentin Krog (fasiliteerder) Chris Gardner, Hennie Pretorius, Loubser Claassen en Charl Marais |
13:15 |
| Onderwerp | Beskrywing | Paneellede | Tyd |
|---|---|---|---|
| Ontgin oorsese geleenthede vir jou film | ’n Werkswinkel oor hoe om internasionale geleenthede vir films te ondersoek, die slaggate te identifiseer en met potensiële vennote hande te vat | Lucia Meyer-Marais (fasiliteerder) Tertius Kapp, Dian Weys, Gabriella Blumberg, Onke Dumeko en Cait Pansegrouw |
13:15 |
Sprekers
nomsa
Nomsa Philiso het omvattende uitsaai- en media-ervaring wat strek oor 26 jaar. Sy het, onder meer, etlike jare by die Suid-Afrikaanse openbare uitsaaier gewerk. Philiso is ervare in mediaverkope, kanaal- en inhoudbestuur, sowel as die implementering van tegnologie in projekte, en sy dra kennis van ‘n wye verskeidenheid teikenmarkte se gehoorvoorkeure. Sy het aangesluit by MultiChoice in Januarie 2020 as kanaaldirekteur vir plaaslike vermaak en is aangestel as die uitvoerende hoof van programme in Oktober 2021
Nicola
Nicola van Niekerk is die Hoof van Premium Inhoud en Ko-produksies by M-Net. Sy het ondervinding in ’n verskeidenheid genres, insluitend drama, komedie, film, leefstyl- en dokumentêre programme vir ’n verskeidenheid internasionale kanale en platforms.Nicola van Niekerk is die Hoof van Premium Inhoud en Ko-produksies by M-Net. Sy het ondervinding in ’n verskeidenheid genres, insluitend drama, komedie, film, leefstyl- en dokumentêre programme vir ’n verskeidenheid internasionale kanale en platforms. Sy het in 2012 by die kykNET-span aangesluit as toesigvervaardiger en is later bevorder tot Senior Bestuurder by kykNET. Nicola is sedert 2023 verantwoordelik vir inhoud wat vir M-Net, kykNET, sowel as die Afrikaanse inhoud wat vir Showmax vervaardig word. Sy is tans by verskeie opwindende internasionale ko-produksies asook dokumentêre met internasionale vennote betrokke.
Waldimar
Waldimar Pelser is M-Net direkteur van Premium Kanale, waaronder kykNET en M-Net. Hy was kanaaldirekteur van kykNET, ’n posisie wat hy opgeneem het ná 20 jaar in die nuusmedia. Hy het sy loopbaan as nuusjoernalis begin by Die Burger, het in Lagos, Nigerië Media24 se Wes-Afrika-buro oopgemaak, en was later redakteur van die Sondagkoerant Rapport. Tot aan die einde van 2021 het hy KN Verslag In Gesprek aangebied, ’n regstreekse aktualiteitsprogram op kykNET.
WIKUS
Wikus du Toit is tans ‘n toesigvervaardiger by M-Net en kykNET en is verantwoordelik vir film, drama, komedie asook internasionale ko-produksies met reekse soos Recipes for Love and Murder, Spinners, Devil’s Peak en Reyka. Hy het ‘n Meestersgraad in Drama verwerf, asook ‘n nagraadse Diploma in Tersiêre Onderrig en ‘n tweede Meestersgraad in Opvoedkunde waarin hy spesifiek gefokus het op die bevordering van kritiese denke en die fasilitering van kreatiwiteit in Film, TV en Drama Studente. Hy is ook ’n uitvoerende vervaardiger van meer as 15 Afrikaanse films onder andere Toorbos, Barakat, Gaia, Fiela se Kind en Griekwastad.
tebogo
In meer as 9 jaar in die film- en televisiebedryf het Tebogo Matlawa ‘n sterk fondasie gevestig wat ‘n wye reeks noodsaaklike funksies insluit, soos produksiebestuur, konsepontwikkeling, implementering en strategie-ontwikkeling in, met ‘n bewese vermoë om konsensus te bou en binne multidissiplinêre spanne saam te werk. As senior bestuurder van draaiboekgedrewe inhoud vir die Multichoice-groep, is hy ‘n dinamiese besluitnemer wat strategie en beplanning effektief in operasionele werklikheid omskep, terwyl hy kritiese ontwikkelingsgeleenthede identifiseer wat vir groei geposisioneer word. Sy begrip van die kompleksiteite van die bedryf stel hom veral in staat om suksesvol te navigeer ten einde organisatoriese doelwitte te bereik.
Terja
Terja Beney is ‘n hoogs bekwame televisievervaardiger. Sy het ‘n verskeidenheid van nie-draaiboekgedrewe vermaaklikheidsprojekte vervaardig of laat vervaardig, insluitend speletjieprogramme, geselsprogramme, regstreekse uitsendings, realiteitsprogramme, dokumentêre programme en aktuele sake. Na 17 jaar by Endemol en 5 jaar by MultiChoice, het sy ‘n diepgaande begrip van beide produksie en die uitsaaiwese. Terja se ervaring en praktiese aanslag maak van haar ‘n onskatbare bate in die bedryf. Haar toewyding tot uitnemendheid word in die kwaliteit van haar werk weerspieël. Sy is welbekend vir haar noukeurigheid en strewe om deurgaans uitstekende resultate met blywende impak te lewer. As Senior Bestuurder vir realiteit en vermaak by Multichoice, is Terja aan die voorpunt van die bedryf se ontwikkeling.
Duan
Duan Wanty is ‘n inhoudvervaardiger en regisseur in die film- en televisiebedryf. Sy ervaring strek oor meer as ‘n dekade in verskeie dissiplines van die vermaaklikheidsindustrie. By die Silwerskermfees was hy betrokke as vervaardiger vir kortfilms soos die bekroonde Fluit-Fluit (2018), Binnelandse Sake (2019), en Thrift tot Die Dood (2023). Met sy huidige fokus op realiteitsreekse, streef hy daarna om stories te vertel wat nie net resoneer met kykers nie, maar ook inspirasie bied en betekenisvolle gesprekke kan ontlok. Hy het in die laaste vier jaar bydrae gelewer aan realiteitsreekse vir kykNet, M-Net, BBC en Netflix. As jy tot hier gelees het, nooi hom vir ‘n glas wyn en ‘n gesels, hy hou daarvan ook!
Ingrid
Ingrid Engelbrecht is ‘n inhoudvervaardiger en regisseur met meer as 15 jaar ondervinding in die televisiebedryf. Haar loopbaan het in M-Net se publisiteit-afdeling begin, waarna sy kommunikasie vir M-Net se plaaslike produksies bestuur het, voor sy na produksie en regie oorgeskakel het. Ingrid is passievol oor unieke, Suid-Afrikaanse stories en het as inhoud-regisseur en vervaardiger gewerk op van ons grootste realiteit-reekse, insluitend My Kitchen Rules, Temptation Island, Come Dine With Me, Survivor SA en Die Brug. Sy is tans in die voor-produksiefase van ‘n nuwe formaat realiteit-program vir Netflix wat in 2024 vrygestel word. Wanneer sy nie werk nie, geniet Ingrid piña coladas. Sy verkies egter om nie deur ‘n reënbui verras te word nie. As jy haar by The Bay Hotel sien, groet gerus! Sy hoor graag jou storie en vertel jou hoekom Antiques Roadshow haar gunsteling skuldige televisie-plesier is.
Frederick
Frederick Louw is ‘n gesoute storieverteller met ‘n passie vir visuele vertelling. Sy TV-reis het by Urban Brew Studios op SABC se YOTV begin. Sy eerste oorspronklike produksie in aktueliteit-realiteitformaat, Wildroom, het dagkyk-rekords gebreek en talle plaaslike en internasionale toekennings verwerf. Hy blink uit in die speletjieprogram- en realiteit-genres, en werk aan wêreldwye BBC- en Disney-formate soos Friends Like These en Cartoon Cafe. Frederick se kundigheid sluit oorspronklike formaat-ontwikkeling in, met noemenswaardige pitch-tot-skerm suksesse soos Die Kontrak, Kwarantyn en The Saturday Showdown. Boonop het Frederick se passie vir draaiboekgedrewe inhoud gelei tot 14 films vir kykNET se storieFILM-projek en ‘n rolprent vir die stroomplatform, eVOD. Frederick se lewenslange droom om ‘n verhalende storielyn en realiteit-televisie te kombineer, is met Die Brug bewaarheid.
MARGUERITE
Marguerite Albrecht is tans opdraggewende redakteur vir kykNET in beheer van realiteit- en vermaakprogramme, insluitend reekse soos Die Real Housewives van Pretoria en die Wynlande, Plaasjapie, Kokkedoor, Op My Eish! Tarzan van George, Seks in Afrikaans en Die Brug. Sy het aan die Universiteit Kaapstad ‘n BA-graad in drama en ‘n uitvoerende diploma in spraak en drama behaal. Marguerite het vroeg in haar loopbaan besef dat haar passie vir storievertelling by film lê. Gedurende haar 30-jarige loopbaan in film en televisie het sy verskeie televisiereekse, dokumentêre, kortfilms en speelfilms bedink, vervaardig en geregisseer. Haar werk is genomineer vir 106 plaaslike en internasionale toekennings, waarvan sy 67 gewen het. Dit sluit in 3 Golden Camera-toekennings en 4 Silver Screen-toekennings van The United States International Film and TV Awards vir It’s For Life (2005, 2006, 2007), The Cut (2007), sowel as ‘n Silver Rose d’Or vir die beste nuwe realiteit-reeks vir Rize Mzansi (2008). In haar rol as opdraggewende redakteur by kykNET het haar werk verskeie SAFTA’s, ATKV Media Veertjies en die Daleen Bekker-prys vir draaiboekskryf (Die Boekklub) en ’n erepenning vir TV-drama-regie (Fynskrif) van die Suid-Afrikaanse Akademie vir Wetenskap en Kuns gewen.
James
James Bassingthwaighte is ‘n musiekvervaardiger, filmkomponis en liedjieskrywer met ondervinding in die bestuur van groot projekte wat doeltreffende werkvloei en uitvoering vereis. Bekwaam in digitale produksie (beatmaking), orkesbewerking en projekbestuur, was James die musiekregisseur vir lang-vorm televisieformate soos The Voice (in 3 gebiede regoor Afrika), X Factor en Coke Studio. Hy het groot film-komposisieprojekte behartig, soos Kizazi Moto: Generation Fire vir Disney+, sowel as top-albums vervaardig en saam met kunstenaars soos Busiswa, Yemi Alade en Beyoncé gewerk. Daarbenewens dra sy kwalifikasie van die Universiteit van Kaapstad, sowel as ‘n magdom kursusse deur Berklee College of Music, kreatief sowel as vanuit ‘n besigheidsperspektief by tot sy holistiese begrip van die musiekbedryf. Hy het sertifikate in projekbestuur en data-analise wat van onskatbare waarde is met die bestuur van musikale projekte, dat die proses nie net inspirerend en kreatief is nie, maar ook doeltreffend en binne begroting bestuur word, altyd met die oog op data-gedrewe besluite eerder as om op bedryf-tendense staat te maak. Hy is lief vir en diep vertroud met elke stukkie musiek uit Suid-Afrika en het al saam met die meeste groot kunstenaars, van Cassper Nyovest en Laurika Rauch tot Phuzekemisi, gewerk. Wanneer hy nie besig is om sy tuisgemaakte pizzas te vervolmaak nie (vra gerus vir die resep), deel hy graag sy kennis oor die Suid-Afrikaanse musiekbedryf deur paneelbesprekings wat op die menslike toepassing van kopiereg fokus.
Pierre-Henri
Pierre-Henri Wicomb is ‘n Suid-Afrikaanse komponis wat in Kaapstad gebaseer is. Hy het sy loopbaan as ‘n konsert-komponis begin, maar is rondom 2017 aan die wêreld van televisie- en filmklankbane bekendgestel. Hierdie nuwe rigting was die resultaat van baie jare in die teater waar hy insidentele musiek gekomponeer het. Toneelstukke waarvoor hy musiek geskryf het sluit in Marat/Sade (P. Weiss), Samsa Masjien (W. Anker), Liewer (T. Kapp) en Mirre en Aalwyn (N. Hanekom). Hy het ’n Fleur du Cap-toekenning vir beste oorspronklike klankbaan vir Samsa Masjien gewen en ’n benoeming vir die toneelstuk Marat/Sade gekry. Wicomb het die klankbane vir ‘n paar plaaslike reekse voltooi, met ‘n SAFTA-toekenning vir beste oorspronklike klankbaan vir die TV-drama Die Spreeus en ‘n ATKV-Veertjie vir sy werk aan die reekse Dwaalster en Die Spreeus. Die kortfilm This Country is Lonely (S. Hardy) waarvoor hy die klankbaan gekomponeer het, was sy eerste rolprent wat internasionaal deurgebreek het met ‘n première by die Internasionale Filmfees Rotterdam (IFFR). Hy het weereens saam met regisseur Jaco Bouwer gewerk op die bekroonde eko-gruwel Gaia, wat die eerste keer by die South by Southwest-fees in Texas vertoon is. Hy het ‘n Silwerskerm-nominasie vir die klankbaan in 2022 ontvang. Die film is sedertdien regoor die wêreld vertoon en is as een van die top-gruwelfilms van 2021 aangewys deur Variety en Forbes. Wicomb het onlangs die klankbaan vir die geanimeerde kort Surf Sangoma (Spoek Mathambo) vir Disney se Kizazi Moto-bloemlesing voltooi. Die reeks Spinners, ‘n Canal+ Showmax-samewerking, waarvoor hy die klankbaan in 2023 voltooi het, is by die Canneseries-fees in Frankryk vrygestel. Wicomb se kontemporêre klassieke musiekwerke word by feeste in Frankryk, Duitsland, VSA, Nederland, Switserland, Brasilië, Swede en Suid-Afrika opgevoer. Hy is medestigter van die suksesvolle, jaarlikse Purpur-fees (Kaapstad), reeds in sy agtste jaar, wat die werke en optredes van plaaslike en internasionale musikante aanbied. Sy musiek is opgeneem deur Leo Records, Orlando Records, RMN Classical, Unexplained Sounds Group, MovieScore Media en Peer Music Record Labels.
Kabous
Nadat Kabous Meiring in 2012 debuteer as regisseur van ‘n kortfilm, Drukkersbloed (in opdrag van Life in a Bulb), by die Silwerskermfees, sou dit tien jaar neem voor sy haar eerste vollengte film vervaardig saam met Go2Content en The Film Factory. In opdrag van KykNET behartig sy ook die regie vir die Die tragiese saak van Pamina Vermaak. Sy is voltydse televisie-aanbieder van Prontuit (Idea Candy), maar het Megaboere (Khaki-produksies) gedoen asook Varstrap (Idea Candy) en verskeie paneelbesprekings by feeste en ander programme. Kabous het begin as AD op advertensies en ‘n paar fiksie-reekse (Dit wat stom is, deur Franz Marx) As regisseur het sy haar die afgelope 15 jaar besig gehou met insetsels, profiele (Kwêla van Homebrew) en dokumentêre reekse, onder andere die tweede fase van die reeks Die Afrikaners (Herman Binge). Ook realiteistreekse soos Leatitia se Taxi (Via) en as inhoudsregisseur op Saktyd (Homebrew)
Chris
Chris Gardner konsulteer aan kinematograwe oor die LED-volume. Sy loopbaan van 20 jaar het in beligting begin, waarna hy na kamera en ingenieurswese oorgeskakel het. Hy was gelukkig om vir 6 jaar die regie van geselsprogramme te behartig wat regstreeks op band opgeneem is. Een en ‘n half jaar gelede het hy die skuif na LED-volume gemaak. Hy voel tuis in hierdie bereik en geniet dit om sy breë kennisbasis ten volle toe te pas. Hy vind dit baie lonend om skouer aan skouer met vervaardigers en kinematograwe te werk om toonaangewende beeldmateriaal te skep.
Hennie
Hennie Pretorius het ‘n passie vir die skeppende kunste en ‘n uitgebreide agtergrond in die rolprent- en geleentheidbedryf. Oor die afgelope 24 jaar het Hennie sy vaardighede in verskeie dissiplines geslyp, insluitend beligtingontwerp en -programmering, stel- en verhoogontwerp, en tuigkonstruksie. Sy kundigheid omsluit oudiovisuele ontwerp, waar hy die nuutste tegnologie soos LED-skerms, projektors en mediabedieners gebruik om meesleurende en boeiende wêrelde te skep. Tans beklee Hennie die pos van sisteemingenieur by Filmscape, ‘n ateljee wat virtuele produksietegnologie aan die filmbedryf verskaf.
Dian
Dian Weys is die skrywer en regisseur van drie kortfilms en drie televisiefilms. Sy kortfilms, naamlik Versnel, (2017), Plaashuis (2021) en Bergie (2022), het by meer as sestig filmfeeste vertoon, insluitend Clermont-Ferrand, Palm Springs, Tampere, ZINEBI Bilbao en Message to Man. Versnel het toekennings vir Beste Kortfilm en Draaiboek in die 12-minute-afdeling by die 7de kykNET Silwerskermfees ontvang; Bergie het die Tanit d’Argent vir Beste Kortfilm by die Carthage Filmfees gewen. Hy is is tans ‘n Ph.D kandidaat by die Universiteit van Groningen en doseer deeltyds aan die Universiteit Stellenbosch.
Gabriella
Gabriella Blumberg is ‘n bekroonde Suid-Afrikaanse vervaardiger en regisseur met ‘n dryfkrag om boeiende, impakvolle stories te skep. Gabriella is die vervaardiger van die bekroonde vollengte-dokumentêr I Am Here (2021) wat wêreldwyd in teaters vrygestel is en vele toekennings ontvang het, insluitend drie Suid-Afrikaanse Film- en Televisietoekennings (2022) en beste Suid-Afrikaanse dokumentêr by Durban International Film Festival 2021 – wat die film vir Oscar-oorweging in aanmerking gebring het. Leemtes en Leegheid (A Void), ‘n roerende kortfilm oor smart, is deur Gabriella vervaardig in opdrag van kykNET. Dit het Beste Kortfilm by Silwerskermfees 2022 gewen. Gabriella, ‘n alumnus van Durban Talents, is uiters passievol oor borsgesondheid-bewustheid. Deur kortfilms soos Near not Far (2019), het sy die Suid-Afrikaanse regering aangespoor om ‘n toetssentrum vir borskanker in Mpumalanga op te rig. Haar televisieadvertensies oor borsgesondheid is gedurende 2021 en 2022 in 200 tydgleuwe op eTV en DSTV vertoon. Gabriella is verbete daaroor om storievertelling in te span om stigma te verbreek en gesprek aan te wakker.
Tertius
Tertius Kapp is bekend as skrywer van films en TV-reekse. In 2016 ontvang hy die SAFTA vir sy filmverwerking van Dis ek, Anna. Griekwastad ontvang in 2020 die SAFTA vir Beste Film, en in 2022 wen 4 Mure die SAFTA vir Beste Dramareeks. Hy is ook die skrywer van Die Spreeus, Somerkersfees, Siende Blind, en die internasionaal bekroonde Gaia, waar hy ook as vervaardiger optree. Sy mees onlangse dramareeks is Juffrou X, wat by Silwerskermfees 2023 debuteer.
Cait
Cait Pansegrouw is ‘n Suid-Afrikaanse vervaardiger en rolverdeling-regisseur wat die afgelope 10 jaar internasionaal werk. Cait het al verskeie Suid-Afrikaanse film- en televisie toekennings gewen en haar werk vertoon by feeste soos Sundance, Berlinale, Venesië, Durban en FESPACO, om ‘n paar te noem. Inxeba (The Wound) is by meer as 60 feeste wêreldwyd vertoon en het 28 toekennings gewen, insluitend 6 SAFTA’s. Dit is ook in 2018 gekies as Suid-Afrika se amptelike inskrywing vir die Oscars in die vreemde taal-kategorie, en het die Desember-kortlys van 9 rolprente gehaal. This Is Not A Burial, It’s A Resurrection is bekroon met die jurieprys vir visioenêre rolprentvervaardiging by die 2020 Sundance Filmfees, waar die film sy première gehad het. Hierdie rolprent het ‘n verdere 32 toekennings gewen en in 2020 het dit Lesotho se eerste inskrywing ooit vir beide die Oscars en die Golden Globes geword. Cait is medestigter en direkteur van Artistieke Ondernemings by die Realness Institute, wat streef om ‘n nuwe golf van Afrika-films te bevorder.
Nico
Nico Scheepers is ’n skrywer, regisseur en dramaturg van Kaapstad. As skrywer-regisseur het Nico twee reekse op sy naam, insluitend die veelbekroonde familie-sage NÊRENS, NOORD-KAAP (Multichoice, 2021) en die oorspronklike misdaad riller-reeks DONKERBOS (Showmax, 2022/2023). DONKERBOS is verkies as deel van die Berlinale Series Market vir 2023, en die enigste reeks vanuit Afrika. Sy fantasie-kortfliek, DIE MAAN VAL BEWUSTELOOS, het hom die Beste Regisseur-prys by die 2017 Silwerskermfees gewen. Hy werk tans aan twee nuwe reekse en die ontwikkeling van sy eerste film. As ‘n toneelskrywer is Nico se werk gepubliseer in Suid-Afrika, opgevoer by die Fugard-teater in Kaapstad, die Market-teater in Johannesburg, en by die Aan De Braak in Amsterdam. Hy het 5 Fiësta-teaterpryse gewen en in 2018 die Fleur Du Cap vir Beste Nuwe Regisseur ontvang.
Wim
Wim Steyn is die stigters-direkteur en uitvoerende vervaardiger van IdeaCandy, ‘n produksiemaatskappy met kundigheid in verskeie terreine: inhoudontwikkeling, skryf en skep, vervaardiging en regie. Hulle fokus is om visuele inhoud te skep wat die opregte en waarheidsgetroue stories van die wêreld waarin ons tans leef te vertel. Met dit in gedagte, het die IdeaCandy-span die wêreld van dokumentêre storievertelling in 2020 aangedurf. Dit het die span 8 jaar geneem, sedert die saadjie geplant is, om ‘n projek te identifiseer waarmee hulle hul feitelike reis kon afskop. Hulle het dit vermag met Devilsdorp, IdeaCandy se eerste dokumentêre reeks. Wim is ‘n veelbekroonde regisseur en vervaardiger (SAFTA, Promax Africa, ATKV Veertjie en Loerie-toekennings) in ‘n wye verskeidenheid genres wat wissel van IdeaCandy se dokumentêre films tot aktualiteitprojekte, en selfs promosie- en ontwerpprojekte.
Elle
Elle Oosthuizen is ‘n bekroonde vervaardiger van dokumentêre films en die senior vervaardiger vir dokumentêre programme by IdeaCandy. Sy was die vervaardiger van Devilsdorp (2021), wenner van die SAFTA vir beste dokumentêr 2022, Stella Murders (2023) en Rosemary’s Hitlist (2023). Van 2011 tot 2023 behartig sy die produksie van 140 kortfilms vir die kykNET Silwerskermfees se ontwikkelingsprojek. Vanaf 2023 sluit dit die ontwikkeling en vervaardiging van kort dokumentêre films in om die aanbod by die Silwerskermfees af te rond.
Richard
Richard Finn Gregory is ‘n bekroonde Suid-Afrikaanse filmmaker wat fokus op mens-gesentreerde dokumentêre films. Sy Meesters-tesisfilm, Crumbs: Toppling the Bread Cartel (2012), het die Tri-Continental Human Rights Film Festival geopen. Sy eerste onafhanklike dokumentêre film, The Boers at the End of the World (2015), het ‘n Suid-Afrikaanse Vereniging van Kinematograwe-toekenning vir dokumentêre kinematografie, sowel as drie Suid-Afrikaanse Film- en Televisie-toekennings (SAFTA’s) en ‘n Erepenning van die Suid-Afrikaanse Akademie vir Wetenskap en Kuns verower. In 2022 is twee groot projekte vrygestel: The Radical, ‘n dokumentêre film oor die wêreld se eerste openlik gay imam, wat tans wêreldwyd op feeste speel; en Steinheist, oor Suid-Afrika se grootste korporatiewe skandaal, wat rekords gebreek het vir die meeste eerstedag-kyke van ’n doku-reeks op Showmax. Richard was ‘n raadslid van die dokumentêre filmvervaardiger-vereniging van Suid-Afrika, en was vir verskeie jare ‘n hoof-jurielid vir die SAFTA’s.
Muneera
Muneera Sallies, ‘n 2009 AFDA-gegradueerde en bekroonde filmmaker, is al 20 jaar by die film- en televisiebedryf betrokke. Muneera het etlike rolprent- en televisieprojekte oor verskeie genres geskryf, vervaardig en geregisseer. Van haar meer onlangse werke sluit in die regie van ‘n 26-episode dramareeks genaamd Melody wat op SAUK lof geniet. In 2021 het Muneera haar regisseurdebuut in film gemaak as mede-skrywer en regisseur van Twisted Christmas, ‘n aweregse gesinskomedie vir MNET. Muneera se mees onlangse werk behels die vervaardiging van ‘n kortfilm, Straat Rotte, sowel as die regie van haar tweede film, Old Righteous Blues, wat beide by Silwerskermfees 2023 sal première.
Nadine
Nadine Angel Cloete is ‘n onafhanklike filmmaker van Kaapstad. Haar werk fokus op temas van identiteit en geskiedenis. Nadine se werk is al op nasionale en internasionale uitsaaiers, stroomplatforms en filmfeeste vertoon. Haar dokumentêr, Miseducation, het op die New York Times Op-Doc-webwerf en IDFA verskyn. Dit is geskep as deel van die Why Poverty-dokumentêre reeks en kyk na ‘n baie eenvoudige maar gelaaide stap skool toe. Nadine se kort dokumentêr, In Conversation, is vertoon as deel van die Social Justice Film Festival in Seattle, VSA. Dit bespreek toegang tot veilige aborsie. Action Kommandant is Nadine se eerste film-dokumentêr. Hierdie film het deur Afrika, Europa en die VSA gereis. Dit het die gehoortoekenning by die Encounters South African International Documentary Festival gewen. Dit is aangewys as die beste dokumentêr by Africa in Motion, 2016. Dit is genomineer vir beste dokumentêr by die BlackStar-filmfees, VSA, en ‘n SAFTA-benoeming vir beste prestasie in die regie van ‘n dokumentêre rolprent. Action Kommandant is al by skole regoor die Wes-Kaap vertoon en is nou te sien op die aanlyn Showmax-platform. Action Kommandant vertel die verhaal van die bevrydingsheld, Ashley Kriel. In 2019 het Nadine uitgebrei na fiksie-regie en Address Unknown is haar eerste professionele poging in hierdie genre. Address Unknown het by die BlackStar-rolprentfees, VSA, begin première en het die Audience Choice-toekenning by die Durbanse Internasionale Filmfees gewen. Address Unknown het die 2021 SAFTA vir beste kortfilm gewen. Die rolprent draai die fokus terug op die apartheidsera se gedwonge verskuiwings in Distrik 6. Nadine het in 2019 ‘n Sertifikaat van Waardering van die Afrika-unie se jeuggesant ontvang. Nadine was ook deel van die 2019 en 2020 Queer Feminist Film Festival-beplanningskomitee. Nadine se kort fiksiefilm, Net Ons, het in Maart 2022 as deel van die Silwerskermfees vertoon en is as beste Suider-Afrikaanse kortfilm by die SOTAMBE-filmfees aangewys. Nadine het voortgegaan om The Last Speaker in 2022 te vervaardig en te regisseer. Hierdie dokumentêr is vervaardig vir Al Jazeera se Africa Direct-reeks. Die dokumentêr volg Claudia Snyman en haar ouma, koningin Ouma Katrina Esau, terwyl hulle daaraan werk om hul sterwende N/uu-taal te hervestig. Nadine bestuur tans die NFVF se afdeling vir die produksie en ontwikkeling van nie-fiksie en animasie.
Quentin
Quentin Krog is sedert Februarie 2022 ‘n opdraggewende redakteur by M-Net se Content Hub. Met ‘n lys van meer as 20 plaaslike kommissies in sy portefeulje spesialiseer hy in premium Afrikaanse draaiboekgedrewe inhoud vir kykNET en Showmax. Van sy jongste titels sluit in Magda Louw, Die Byl (reekse 5 en 6), Projek Dina (3), Hans Steek die Rubicon Oor, Trompoppie en Silwerskermfees Kortfilms 2023 en 2024. Voor hy by die Content Hub aangesluit het, het Quentin meer as 90 episodes van gewilde TV-reekse en 4 speelfilms geregisseer, nadat hy die afgelope 18 jaar betrokke was by van die mees geliefde Afrikaanse TV-vermaak; Vir die Voëls, Ballade vir ’n Enkeling en Die Boekklub (1) om ’n paar te noem. Hy het in 2004 ‘n baccalaureusgraad in drama aan die Universiteit Stellenbosch verwerf.
Lucia
Na twee dekades as ‘n vryskut lyn- en rolprentvervaardiger, het Lucia Meyer-Marais haar vervaardigerskoene verruil vir ‘n posisie as opdraggewende redakteur by M-Net. Sy vervaardig inhoud oor verskeie genres, insluitend Diepe Waters, Steinheist, Donkerbos (Berlinale Series 2023 en wenner van die Deleen Bekker-prys) en kykNET Silwerskermfees-kortfilms. Sy het i am ALL GIRLS vervaardig, SAFTA-wenner vir Beste Rolprent 2022, ook The Harvesters wat by Cannes se Un Certain Regard sy première gehad het, sowel as die kykNET Silwerskermfees 2016 Beste Kortfilm wenner, Vlees Van My Vlees. Laasgenoemde word tans as ‘n rolprent ontwikkel met ondersteuning van die Dutch Film Fund en La Fabrique. Lucia is ‘n lid van SWIFT en ‘n alumnus van Realness Creative Producers Indaba en Durban Film Mart. Sy het ‘n graad in kinematografie en vervaardiging van AFDA en woon in Johannesburg saam met haar man, die kinematograaf Tom Marais, en hul tweeling.
Lizette
Lizette Khan is ‘n opdraggewende redakteur by MultiChoice wat vervaardigers en skrywers van kykNET- en Showmax-projekte bystaan. Sy het meer as 15 jaar ondervinding in die skep van top-kwaliteit inhoud as vervaardiger, regisseur en radio-aanbieder. Lizette het ook meer as ‘n dekade se korporatiewe ervaring. Sy het TV-inhoud vir beide die openbare uitsaaier (SAUK) en betaal-TV (DSTV) in Suid-Afrika vervaardig.
Merveline
Merveline Ferris is ‘n opdraggewende redakteur by M-Net wat in realiteit en vermaak, aktualiteit en dokumentêre programmering spesialiseer. Haar sterk agtergrond in die televisiebedryf verleen ‘n unieke perspektief tot haar rol. Merveline se passie vir storievertelling en regstreekse optredes het gelei tot ‘n honneursgraad in film, met die fokus op regstreekse optrede. Haar ervaring as aktrise en produksiebestuurder vir regstreekse en vooraf-opgeneemde aktualiteitprogramme vir kykNET, het haar onskatbare insigte in die bedryf besorg. In haar huidige posisie as opdraggewende redakteur het Merveline ‘n diverse reeks boeiende inhoud die lig laat sien. Opvallende onlangse projekte sluit in Arendsvlei, ‘n telenovela wat gehore met ‘n boeiende storielyn bekoor, die Sex & Pleasure dokumentêre reeks, ‘n gedagteprikkelende verkenning van menslike seksualiteit en die impak daarvan op die samelewing, en Klop!, ‘n geselsprogram wat gemeenskaplike hartsake aanspreek.
Allan
Allan Sperling is ‘n TV- en filmbestuurder wat in die lineêre en OTT-ruimte werk. Hy is meesal betrokke by die ontwikkeling van internasionale samewerkings, en die finansiering van beide plaaslike en buitelandse rolprente. Sedert 2023 dien hy as Uitvoerende Hoof van Inhoud vir Comcast en Showmax, Multichoice se aanlyn-platform. Allan het in Londen en Amsterdam vir Viacom (nou Paramount) gewerk, en voor dit was hy as boorling van Denemarke by die Deense filmbedryf betrokke.
YOMA
YOMA, (30) oorspronklik van George, ‘n voltydse kunstenaar, het al skouers geskuur met grootname in die Suid-Afrikaanse musiekbedryf en internasionaal. Het op verskeie televisie, tydskrif, koerant en radio platforms verskyn vanaf ZA, Nederland, Duitsland en Namibia.
Sy’t verskeie Ghoema benoemings vir haar debuut Moedertaal-album ontvang en ‘n Ghoema toekenning vir beste hip-hop liedjie “WilleKat” met Grandmaster Ready D (2018)
‘n Kokertoekenning vir haar werk in Afrikaans (2018), en was benoem vir ‘n Safta vir haar titelmusiek saam met Murray vir die telenovela Arendsvlei.
Mentor vir die ATKV-Crescendo projek waar sy met bestaande en opkomende musikante gewerk het om hulle te help voorberei vir die Suid-Afrikaanse musiekbedryf.
Sy is passievol, doelgerig en uniek. Hulle noem haar die koninging van hip-hop.
Charl
Charl Marais is die hoofbestuurder van Filmscape, Suid-Afrika se baanbreker virtuele produksie-ateljee. Met meer as ‘n dekade se ondervinding in die bedryf, het Charl gehelp om Filmscape te vestig sedert die maatskappy se stigting net meer as ‘n jaar en ‘n half gelede. Die ateljee het al met vooraanstaande kliënte soos Netflix, Apple TV, Amazon en KykNET saamgewerk, wat Filmscape se innoverende vermoëns vir virtuele produksie bevestig. Met sy passie vir storievertelling en ‘n diepgaande begrip van opkomende tegnologieë, doen Charl en sy talentvolle kollegas by Filmscape baanbrekerswerk om die produksiepraktyke van Suid-Afrikaanse films en TV-programme te revolusioneer.
Loubser
Loubser Claassen is passievol oor die nuutste tegnologie en kreatiwiteit. Danksy 10 jaar se ervaring met 3D-drukwerk en -modellering en sy 8 jaar as ‘n verhoogontwerper en LED-skermspesialis, is Loubser ’n kundige skepper van boeiende visuele ervarings. Aangevuur deur sy liefde vir rekenaarspeletjies, Unreal Engine, Blender en virtuele produksie, verken hy voortdurend nuwe grense op die gebied van kuns en tegnologie.
Lerato
Lerato Moruti is in September 2019 as Senior Bestuurder Realiteit en Vermaak by M-Net aangestel. Sy is verantwoordelik vir die algehele opdragstrategie van nie-draaiboekaangedrewe inhoud, wat Emotainment-realiteit, Kompetisierealiteit, Sosiale Eksperimentrealiteit, Leefstylrealiteit, Gesinsrealiteit, Musiekprogramme, Leefstyl en Menslike-belange Dokumentêre insluit. Hierdie rol stel M-Net in staat om nouliks met die produksiebedryf saam te werk om inhoud van hoogstaande gehalte vir die massamark te lewer, met Showmax en die Mzansi-netwerk as gekose verskaffers van diverse, uiters plaaslike inhoud. Lerato is verantwoordelik vir die redaksionele prestasie van die Realiteit- en Vermaaklikheid-eenhede, wat opdragredakteurs bemagtig om inhoud in lyn met die platform se gehoor en posisionering te lewer. Voor sy hierdie rol aangeneem het, was Lerato ’n konsultant en opvoeder in die televisiebedryf. Sy het ‘n handleiding vir Opdragredakteurs geskep wat in samewerking met die Sobido-groep ingespan is om Opdragredakteurs by ETV op te lei, en het ook vir Soul City, Mirror Effect TV en Okuhle Media as konsultant opgetree. Voor dit het Lerato ‘n aantal poste by die SAUK beklee, wat gewissel het van vervaardiger van jeug- en kinderinhoud vir SAUK Onderwys, Opdragredakteur SAUK Onderwys, en Senior Opdragredakteur van SAUK se inhoudsentrum, tot Hoof van Genre vir beide SAUK Kinders en die Reversioning and Repurposing Unit . Lerato se vaardighede, verwerf in haar tyd by Bop TV, die SAUK en nou M-Net, sluit in programkonseptualisering, die ontwikkeling, bestuur en formatering van televisieprogramme, televisieproduksie, strategie-ontwikkeling, implementeringsplanne, redaksionele vaardighede, en noue samewerking met die departemente in beheer van skedulering, bemarking, publieke- en digitale-kommunikasie. Lerato het ‘n graad in Sielkunde van die Universiteit Witwatersrand, ‘n gevorderde sertifikaat in Professionele en Bedryfsafrigting van GIB sowel as ‘n Leierskap-sertifikaat van dieselfde instelling. Haar tv-loopbaan het ook gebaat by buitelandse ervaring, soos die konseptualisering van kinderprogramme vir Deutsche Welle Television in Berlyn en Eurovision in Luzern.
Scharl
Scharl van der Merwe het dertien jaar ondervinding aan die sakekant van televisie en rolprentvervaardiging. Hy het ‘n honneursgraad in kommunikasie van UJ en ‘n MBA van Wits Sakeskool. Scharl, ‘n rolprentmaker van beroep, het aan ’n verskeidenheid televisieproduksies gewerk voordat hy medestigter van Nouvanaand Films en Nagvlug Films was. Mees onlangs was hy Besturende Direkteur by Nagvlug Films voordat hy by Mnet aangesluit het as ‘n Opdraggewende redakteur. Sy ervaring wissel van sport- en realiteit-TV, tot die vervaardiging van bekroonde speelfilms, televisiedramas en komedies.
Onke
As ‘n gesoute professionele persoon in die private en openbare sektor, is Onke Dumeko ‘n multipotensiaalbestuurder van Korporatiewe Sake, ’n Bedryfshoof en ’n Gasspreker. Sy het uitgebreide werkservaring in uiteenlopende dog komplimentêre dissiplines en industrieë, soos FMCG, kommersiële en luukse kleinhandel, media, uitgewery, inhoudproduksie (film en TV) en die openbare sektor. Haar uiteenlopende vaardighede bied ongeëwenaarde organisatoriese waarde. Dumeko is in 2017 as een van die Mail & Guardian Top 200 Jong Suid-Afrikaners aangewys, sy was ook die ontvanger van die 2018 Gauteng Government Film & Media Excellence Awards en die Golden Key International Honor Society. Dumeko het naam gemaak as die Strategiese Bemarkingsbestuurder van die land se voorste tydskrifte, soos DESTINY, DESTINY MAN, ELLE, ELLE Decoration en SAWUBONA onder hul oorspronklike uitgewer, Ndalo Media. Nadat Dumeko ‘n strategiese rol by ‘n skoonheidsmiddel-handelhuis gespeel het, het sy in 2018 na die uitgewerswêreld teruggekeer met ‘n sterker begrip van die kliëntbeleggingsgeleenthede wat uitgewery na die volgende bestaansfase sou bevorder. Dit het daartoe gelei dat sy die voormalige hoofredakteur van die tydskrif DESTINY en die stigtersredakteur van thebar. Magazine was, ‘n film- en TV-argiefplatform waar sy die YouTube-program en podcast, The ForeverOnke Show, aangebied het. In ooreenlegging met haar diepgewortelde passie vir die rolprent- en televisiebedryf, staan sy nou aan die hoof van bedrywighede by die Nasionale Film- en Videostigting (NFVF), ‘n agentskap van die Departement van Sport, Kuns en Kultuur. In hierdie breë rol lei sy ‘n robuuste span wat die volgende sake-eenhede bestuur: Vennootskappe & Distribusie; Bemarking en Kommunikasie; Gebeurtenisse en Aktiverings; Regs-, Beleids-, Nakoming- en Navorsings- en Fasiliteitsbestuur en Spesiale Projekte (PESP) by Suid-Afrika se nasionale film- en oudiovisuele befondsingsliggaam.
Lorhren-Rose
Lorhren-Rose Joseph is ‘n nuut aangestelde opdraggewende redakteur. Sy is deel van die Mnet Unscripted-span. Sy het ‘n agtergrond in joernalistiek, feitelike vermaak, en op ‘n stadium van haar lewe, chemiese ingenieurswese. Lorhren-Rose glo rolprentvervaardiging is die mees insiggewende medium van die 21ste eeu en haar toewyding tot film en die kompleksiteit van gehoorbetrokkenheid het geen perke nie. ‘Ons vertel nie stories om mense blindelings instemmend te laat knik nie. Ons maak films om nuwe betekenis te vind in die grys dele van ons meedoënlose dialoog… om te erken dat daar onvermydelik algemene delers is ten spyte van ons verskille – selfs in ‘n meer genuanseerde en komplekse wêreld.’
