Meesterklasse
Paneelbesprekings
Werkswinkels
Meesterklasse |
|||
| VERWERKING TOT DRAAIBOEK | Dit word al hoe gewilder om ’n rolprent of TV-reeks op ’n roman, biografie, memoire of videospeletjie te baseer. Hierdie meesterklas bied ’n geleentheid om regte en intellektuele eiendom (IP) te bespreek en ook hoe om bronmateriaal te kies en watter soort boeke en stories sigself tot goeie verwerkings leen. Deelnemers sal kyk na die behoeftes en eise van skerm versus bladsy, asook algemene probleme in die verwerkingsproses. ’n Paar voorbeelde van suksesvolle verwerkings sal onder die loep geneem word om uit te vind wat dit laat werk het. | Karen Jeynes | Woensdag, 28 Augustus, 14:00 |
| RUS JOU TOE met Media Film Service | Die spesialis Martin Neethling bied ’n praktiese, interaktiewe meesterklas aan wat die vermoëns en aanwendingsmoontlikhede van hoogs gevorderde tegniese toerusting demonstreer. Aspirant-regisseurs, -kinematograwe, -beligtingstegnici, -fokusoperateurs, -redigeerders en alle ander filmmakers wat daarin belangstel om die filmiese ervaring vir hul kykers te optimaliseer, sal hierdie aanbieding insiggewend, boeiend en verhelderend vind. | Martin Neethling | Donderdag, 29 Augustus, 14:00 |
| FORMATE | Deelnemers verken die redes agter die onlangse ongekende sukses van plaaslike realiteitsformate soos Die brug en Op my eish!. Die prestasie van laasgenoemde het alle verwagtinge oortref. Maar hoe goed het hierdie programme regtig gevaar? En waarom het juis hierdie reekse soveel aanklank by kykNET-kykers gevind? Dié meesterklas sal insigte gee in die kanaal se werkswyse en kriteria wanneer nuwe formaatprogramme vir vervaardiging oorweeg word. Deelnemers sal ook sien hoe om ’n voorlegging voor te berei waarmee jy dalk volgende keer jou voet in die deur kan kry. | Frederick Louw, Marguerite Albrecht | Vrydag, 30 Augustus, 14:00 |
Paneelbesprekings |
|||
| Afrikaanse inhoud: Strategie vir lineêre TV en stroomdienste | ‘n Bespreking oor strategie vir Afrikaanse inhoud vir lineêre televisie op kykNET, met bykomende insette van die stroomdiens Showmax. | Marguerite Albrecht (gespreksleier) Nicola van Niekerk, Waldimar Pelser, Janine Cornelius, Wikus du Toit en Terja Beney |
Woensdag, 28 Augustus, 14:00 |
| Kom ons praat oor intimiteit – veiligheid op stel en skerm | ‘n Belangrike gesprek oor die skep van veiligheid en egtheid rondom intimiteit op stel en op skerm. | Lizette Khan (gespreksleier) Clayton Evertson, Mienke Ehlers, Eva du Preez, Annemarie du Plessis en Sara Blecher |
Donderdag, 29 Augustus, 14:00 |
| Pieksels, profyt en roofkykers: Bou veerkragtigheid in plaaslike vermaak | In hierdie voortdurend veranderende bedryf moet film- en televisieproduksiemaatskappye aanpas om te oorleef en te floreer. Sluit by ons paneel aan waar ons strategieë verken wat filmmakers en entrepreneurs kan gebruik om volhoubare besighede op te bou, ten spyte van ekonomiese uitdagings, tegnologiese veranderinge, en toenemende roofkyk. | Scharl van der Merwe (gespreksleier) Roberta Durrant en Bradley Joshua, Chola Makgamathe en Marna Wilden |
Vrydag, 30 Augustus, 14:00 |
Werkswinkels |
|||
| Sinergie tussen inhoud, bemarking en publisiteit | Bemarkings- en publisiteitsdeskundiges deel wenke met filmmakers oor hoe om die meeste myle uit hul werk te kry. | Abraham van Zyl (fasiliteerder) Christina Mazibuko, Suzaan Keyter, Leo Smit en Kevin Kriedermann | Woensdag, 28 Augustus, 15:00 |
| Virtuele produksie-ateljee THE LED VOLUME: Lesse en geleenthede | Twee kortfilms wat vanjaar by die fees première, is in die virtuele produksie-ateljee THE VOLUME geskiet. Regisseurs en spesialiste deel die waardevolle insigte wat hulle deur hierdie ervaring opgedoen het. | Quentin Krog (fasiliteerder) Chris Gardner, Charl Marais, Hanneke Schutte, Liza Ludick, Garon Campbell, Gareth Norman |
Donderdag, 29 Augustus, 12:00 |
| Alles omtrent ko-produksies | Ko-produksies: haalbaarheid, finansiering en buitelandse sake | Wikus du Toit (fasiliteerder) Nicola van Niekerk, Yuliya Fischer, Nimrod Geva |
Vrydag, 30 Augustus, 12:00 |
| Bel my agent! | ’n Inligtingsessie met aanbieders van die PMA (Personal Managers Association) en SAGA (South African Guild of Actors) om vervaardigers, skrywers, lynvervaardigers en akteurs meer te leer oor professionele toneelspel, verteenwoordiging, die opstel en nagaan van kontrakte, regte en slaggate. | Muneera Sallies (fasiliteerder), Boniswa Holland, Althea Greenland, Jacques Adriaanse, Adrian Galley | Vrydag 30 Augustus, 11:00 |