Die Silwerskermtoekennings vir Film en TV – Twee glansgeleenthede om na uit te sien!
Die gesogte kykNET Silwerskermtoekennings vir Film en TV, wat verskeie genres en formate insluit, weerspieël die uitsonderlike talent en kreatiwiteit van die Afrikaanse vermaaklikheidslandskap. Die toekennings, wat die beste films, filmmakers en toneelspeltalent van die fees saam met top-televisieprestasies vereer, vind op Saterdag 31 Augustus plaas.
As gevolg van die wye verskeidenheid kategorieë waarin prestasies erkenning kry, is daar twee toekenningsgeleenthede – een in die oggend by The Bay Hotel, en een in die aand by die Kaapstadse Internasionale Konferensiesentrum (Kiks). Die glansryke aandseremonie word opgeneem en sal Sondagaand 1 September om 20:00 op kykNET (DStv-kanaal 144) uitgesaai word.
By die seremonie in The Bay Hotel, Saterdagoggend, word toekennings in die volgende kategorieë oorhandig:
Speelfilm: Beste klankontwerp
Speelfilm: Beste oorspronklike klankbaan
Speelfilm: Beste grimering en haarstilering
Speelfilm: Beste kostuums
Speelfilm: Beste draaiboek
Speelfilm: Beste redigering
Speelfilm: Beste kinematografie
Speelfilm: Beste regie
Kort dokumentêr: Beste redigering
Kort dokumentêr: Beste regie
Kort dokumentêr: Beste dokumentêr
Kortfilm (Opkomend): Beste draaiboek
Kortfilm (Opkomend): Beste regie
Kortfilm (Opkomend): Beste kortfilm
Beste redigering in ’n kortfilm
Beste kinematografie in ’n kortfilm
Beste aktrise in ’n kortfilm
Beste akteur in ’n kortfilm
Beste Shotgun-kortfilm
Feesgunsteling
By die seremonie in Kiks, Saterdagaand, word toekennings in die volgende kategorieë oorhandig:
Beste byspeler in ’n komedie
Beste akteur in ’n komedie
Beste aktrise in ’n komedie
Beste aanbieder in ’n vermaaklikheidsprogram
Beste aanbieder in ’n aktuele program
Beste aanbieder in ’n joernaalprogram
Beste aanbieder in ’n leefstylprogram
Beste aanbieder in ’n realiteitsprogram
Beste ensemble-aanbiederspan
Beste aanbieder in ’n dokumentêre realiteitsprogram
Beste aanbieder in ’n geselsprogram
Beste akteur in ’n drama
Beste aktrise in ’n drama
Beste akteur in ’n telenovela of sepie
Beste nuweling in ’n telenovela of sepie
Beste aktrise in ’n telenovela of sepie
Beste byspeler in ’n telenovela of sepie
Beste manlike byspeler in ’n drama
Beste vroulike byspeler in ’n drama
Beste vroulike byspeler in ‘n speelfilm
Beste manlike byspeler in ‘n speelfilm
Beste akteur in ’n speelfilm
Beste aktrise in ’n speelfilm
Beste speelfilm
Persoonlikheid van die jaar
Kaartjies na die aandgeleentheid is ook aan die publiek beskikbaar via Quicket. Klik hier om kaartjies te koop.