Silwerskermtoekennings: Eerste wenners bekend gemaak
Die eerste helfte van die Silwerskermtoekennings vir Film en TV het Saterdagoggend (23 Augustus) by The Bay-hotel in Kampsbaai plaasgevind.
Hier is die wenners aangewys vir:
- Tegniese kategorieë vir al die genres
- Kortfilm en dokumentêre kategorieë
- Sommige van die speelfilm-kategorieë
By hierdie geleentheid is Marida Swanepoel, onder andere ’n stigterslid van kykNET, ook vir haar lewensbydrae vereer.
Wenners in die kategorieë vir TV, asook die beste speelfilm en beste speelfilmakteurs, word Saterdagaand by die swierige toekenningsgeleentheid in die Kaapstadse Internasionale Konferensiesentrum (Kiks) bekend gemaak.
DIE WENNERS IN VAN DIE SPEELFILMKATEGORIEË:
Beste draaiboek in ’n speelfilm
Nico Scheepers, Hen
Beste oorspronklike klankbaan in ’n speelfilm
Tapiwa Musvosvi, The Heart Is a Muscle
Beste klankontwerp in ’n speelfilm
Tim Pringle, Hen
Beste kinematografie in ’n speelfilm
Chris Lotz, Hen
Beste redigering in ’n speelfilm
Regardt Botha, Hen
Beste grimering en haarstilering in ’n speelfilm
Jolene Cilliers, Hen
Beste kostuumontwerp in ’n speelfilm
Sulet Meintjes, Hen
Beste produksie-ontwerp in ’n speelfilm
Sumaya Wicomb, Finding Optel
Beste regie in ’n speelfilm
Nico Scheepers, Hen
Feesgunsteling
My f*k, Marelize
Die wenners in die kategorieë vir beste speelfilm, asook beste akteur, beste aktrise, beste manlike byspeler en beste vroulike byspeler in ’n speelfilm word Saterdagaand by die swierige toekenningsgeleentheid in die Kaapstadse Internasionale Konferensiesentrum (Kiks) bekend gemaak.
DIE WENNERS IN DIE KATEGORIEË VIR KORTFILMS DEUR GEVESTIGDE EN OPKOMENDE FILMMAKERS:
Beste draaiboek vir ’n kortfilm deur ’n opkomende filmmaker
Anél Wood, Min of Meer
Beste regie in ’n kortfilm deur ’n opkomende filmmaker
Cindy Swanepoel, Min of Meer
Beste kortfilm deur ’n opkomende filmmaker
Min of Meer
Beste kinematografie in ’n kortfilm
Chris Lotz, Hier
Beste redigering in ’n kortfilm
Regardt Visser, Totsiens, Selina
Beste akteur in ’n kortfilm
David Viviers, Hier
Beste aktrise in ’n kortfilm
Liezl de Kock, Min of Meer
Beste kortfilm deur ’n gevestigde filmmaker
Totsiens, Selina
DIE WENNERS IN DIE KATEGORIEË VIR KORT DOKUMENTÊRE IS:
Beste regie in ’n kort dokumentêr
Danielle McDonald, Vet vannie land
Beste redigering in ’n kort dokumentêr
Jurg Slabbert, Vet vannie land
Beste kort dokumentêr
Vet vannie land
Die Silwerskermfees word deur Openserve, Stad Kaapstad, die Dagbreek Trust, FlySafair en die National Film and Video Foundation geborg.